تسبب الحجر الصحي الجزئي في مصر وإغلاق أغلب محال الخدمات، بسبب تفشي فيروس كورونا، في أزمة كبرى للرجال بعدما امتنعوا تقريبا عن قص شعرهم، وهو ما دفع النجمة كارمن سليمان لتقديم خدمة "الحلاق" لزوجها الملحن مصطفى جاد، وكانت النتيجة قص شعر راسه على الزيرو تقريبا.

نجمة آراب أيدول كارمن سليمان، شاركت جمهورها بصورة جديدة مع زوجها الملحن مصطفى جاد وبحضور ابنها عبر صفحتها بموقع إنستقرام، وظهر فيها زوجها بعد إزالة شعر راسه كاملا، وعلقت عليها قائلة: ملحوظة أيوة انا اللي عملت كده في مصطفى.

جمهور كارمن سليمان أبدى تعاطفه الشديد مع زوجها الذي ظهر بشكل مختلف تماما عن المعتاد، خاصة وأنه كان دائم الاهتمام بشعره.

يذكر أن كارمن سليمان غابت طوال الفترة الماضية عن مواقع التواصل الاجتماعي بعدما نجت من بتر أصابعها بأعجوبة أثناء تواجدها داخل منزلها التزاما بالحجر الصحي، وأكد زوجها الملحن مصطفى جاد أن الواقعة حدثت بسبب الحسد، واتهم أصحاب النفوس المريضة بأنهم السبب وراء "المصائب" التي تتعرض لها أسرته، وهدد بملاحقة أي متابع يضع تعليقا يتضمن حسدا.

مصطفى جاد تناول تعليق متابعة على صورة تجمعه بزوجته داخل العزل الصحي الطوعي تسخر من رفضه للحسد وقال: طيب بالله عليكوا المخلوقة دي يترد عليها ويتقالها إيه ؟؟؟؟؟؟؟؟ أنا مش مصدق إن فيه كائنات كده في الدنيا .. إحنا وصلنا لكده ؟؟؟؟

وبعد ساعات قليلة قام بنشر نفس الصورة مع تعليق مطول كشف فيه عن نجاة كارمن سليمان من بتر اصابعها وقال عبر حسابه بموقع الفيس بوك: قسمًا بالله عمري ما كنت من اللي بيشتكي ولا بصور حاجة من المصايب اللي بتحصلنا عشان مش ذنب الناس تشوف حاجات وحشة وننقلهم طاقة سلبية.

وأضاف جاد: بس بجد فيه بشر مريضة ومليانه غل وحقد وقرف والحسد بقي عيني عينك، وبجد انا قرفت وتعبت وأعصابي مبقتش مستحمله أنى اسكت على الناس دي، واللي هيقع تحت إيدي منهم؛ همسح بكرامة أهله الأرض، عشان انا عندي لسان وبعرف أرد، وبعرف آخد حقي قوي.

وتابع: الحسد وقعه وحش قوي جسديًا ونفسيًا وانا معنديش أغلى من عيلتي عشان كده كلامي منفعل شويه، كارمن إنهارده كان صباعها هيتقطع حرفيًا لولا ستر ربنا وكرمه واحترامًا لرغبتها مش هنزل الصور وعشان برضه الناس ملهاش ذنب تشوف حاجات زى كده واللي حصل حصل تزامنًا مع الصورة اللطيفة اللي تحت دي لنا الله وربنا يصفي قلوبنا.

وتلقى مصطفى نصائح عاجلة باللجوء لآيات صرف الحسد المذكورة في القرآن الكريم، كما ذكره البعض بأن العين والحسد حق ويتوجب عليه إبعاد اسرته وشئون حياته الخاصة عن أنظار المتابعين.

[gallery link="file" columns="1" size="full" ids="511958,511959,511960"]